tg-me.com/ba8kurdi/3701
Last Update:
بەرنامەى موسڵمان لە مانگی پیرۆزی ڕەمەزان
موسڵمانى بەڕێز : بۆ ئەوەى ئەم ڕەمەزانەت جیاواز بێت و کاتەکانت پڕ بن لە عیبادەت و خواناسی ئەوا هەوڵبدە ئەم بەرنامەیە جێ بەجێ بکەى لەم مانگە پیرۆزە و زۆرترین توێشوو بۆ قەبر و قیامەتی خۆت کۆبکەیتەوە بەم شێوەیە :
1- هەستان بۆ پارشێو و فەرامۆش نەكردنی: چونكە پێغەمبەرمان فەرمویەتی: (پارشێو بكەن چونكە بەڕاستی لە پارشێوكردندا بەرەكەت هەیە) ، وە خواى گەورە و فریشتەکان صەڵاوات لەسەر ئەو کەسانە دەدەن کە پارشێو دەکەن .
2- زۆر داوای لێخۆشبوون کردن لە خواى گەورە و (استغفر الله) کردن لە كاتی پارشێو تا بانگی بەیانی (وبالأسحار هم يستغفرون)
3- کردنى دوو ڕكات سوننەت پێش ئەنجامدانى نوێژی بەیانی کە لە دنیا و چی لە دنیا هەیە خێرتر و باشترە .
4. سەرقاڵبون بە زیكر و دوعا و پاڕانەوە تاكو كاتی قامەت كردن بۆ نوێژی بەیانى .
5. ئەنجامدانى نوێژى بەیانی بە جەماعەت و مانەوە لەمزگەوت بۆ خوێندنی زیكرەكانی بەیانیان و دەست پێ کردنى خەتمی قورئان تاكو كاتی خۆر هەڵات و کردنى دوو ڕکات نوێژى چێشتەنگا دواى دەرچونى خۆر بە پانزە خولەک .
6. پاڕانەوە كە خوای گەورە بەرەكەت بخاتە ئەو ڕۆژەتەوە و مۆفەقت بکات بۆ هەموو کارێکی خێر .
7. ئەنجامدانى نوێژی نیوەڕۆ و عەسر بە جەماعەت لەگەڵ نوێژە سوننەتەکان .
8. سەرقاڵ بون بە دوعا وپاڕانەوە پێش خۆرئاوا بوون و کاتى ڕۆژوو شکاندن .
9. ئەنجامدانی نوێژی مەغریب لە مزگەوت و دوو ڕکات سوننەت دواى مەغریب.
10. زوو ڕۆشتن بۆ نوێژی عیشا و ئەنجامدانى لە ڕیزی یەکەم و دوو ڕکات سوننەتی دواى عیشا ، و پاشان ئەنجامدانی نوێژی تەراویح بەتەواوەتی لەگەڵ ئیمامدا .
---------------------
خزمەتگوزاری (وەڵامی خێرا) لە کەناڵی بەکورتى
هەر پرسیارێکت هەبوو سەبارەت بە ڕۆژووی ڕەمەزان بینێرە بۆ ئەم لینکە إن شاء الله لە ماوەیەکی کەمدا وەڵام دەدرێیتەوە .
https://www.tg-me.com/malpariba8
BY ماڵپەری به‌هه‌شت www.ba8.org
Share with your friend now:
tg-me.com/ba8kurdi/3701